Parasaran ni misang, tobbak ni Panggabean
Sai marsi-amin-ami-nan ma hamu, songon lappakni pisang
Sai marsi-tukkol-tukkolan, songon suhat di robean
Aek sihoru-horu ditoru ni, dolok Martimbang
Rap manibbung ma hamu ia tu toru, rap mangakkat ia tu ginjang
Napuran ni Lumbanjulu, tu gambir ni Pahae
Rap Mangalakka ma hamu ia tu julu, Rap mangabbe ia tu jae
Tu ho Boru hasian dohononhu ma:
Molo ogung na mabola, pittor dipaboa do luhana
Molo parumaen na marroha, pittor dibuatdo rohani simatuana
Sibigo ambaroba, rara hulik-kulingna
Gabe uli do par-rupa na-roa, asal ma lambok pakkulingna
Angka Umpasa Pasupasu :
Tubu ma sikkoru, di labbung ni tandiang
Sai tibu ma hamu marurat tu toru, jala tibu marbulung tu ginjang
Na hinutti hirang, marisi gadong sipapua
Badan muna ma naso sirang, sahat tuna saurmatua
Tinappul bulung salak, laos hona bulung sikkoru
Sai tibu ma hamu paabing-abing anak, jala tibu mangoppa boru
Horbo ni sibuluan, manjappal dibalian
Sai manumpakma dihamu Tuhan, Sai tiur nang passarian
Tubuma sikkoru, dibonani tandiang
Tutu ma namartoddong marsi topot-topotan, songon pidong ilang
Lam tu dengganna ma ngolu-ngolu, jala mokmohan na marniang
Sinuan lata ni sabi, di ladang ni Sitapongan
Doshon sataon do sadari, molo so ni ida na hinaholongan
Tubu hau ingol, di tombak ni Simalungun
Ala hami nunga masihol, ba ro hami marubat lungun
Naeng huhut berengonnami:
Sitolmokdo i ulaning, manang na pusukni tandiang
Mokmok do hela dohot boru nami, manang na naung marniang
Ala nunga las rohanami:
Inggir-inggir do hape, parasaran ni satua
Tung hipas do nasida hape, jala soada marhua
Sumber :
http://simanjuntakp.blogspot.co.id/2012/06/hata-poda-tu-hela-dohot-boruna.html