UPPASA NI NAPOSO

Eme di balian
tu ramosna ma biurna golomonta
Betah hasian
Asa tugomosna ihotni holongta.

Tao ni si lalahi
Tung tio do i tatapon
Ndang tartaon sahali pe
Molo sohutiop tanganmi tamba sitaonon.

Dang sigaret Ardath
Mangalului pusuk pe jadi do
Dang tarbaen manggarar adat
Mangalua saut ingkon jadi do.

Sadia dao ma sian on
Marlereng tu Adian Hoting
Sadia dao ma sian i ro ho
Mamereng au boru Hombing.

Jolo tiniktik sanggar
laho bahenon huru-huruan,
Jolo sinukkun marga
asa binoto partuturan.

Tudia ma luluon da
goreng-goreng bahen soban,
Tudia ma luluon da
boru Tobing bahen dongan.

Tudia ma luluon da
dakka-dakka bahen soban,
Tudia ma luluon da
boru Sinaga bahen dongan.

Manuk ni pealangge
hotek-hotek laho marpira
Sirang na mar ale-ale,
lobianan matean ina.

Silaklak ni dandorung
tu dakka ni sila-sila,
Ndang iba jumonok-jonok
tu naso oroan niba.

Metmet dope sikkoru da
nungga dihandang-handangi,
Metmet dope si boru da
nungga ditandang-tandangi.

Torop do bittang di langit,
si gara ni api sada do
Torop do si boru nauli,
tinodo ni rohakku holoan ho do

Rabba na poso,
ndang piga tubuan lata
Hami na poso,
ndang piga na umboto hata