TARBATU PAREMAN NI PARAPAT

Naek sepeda motor ma hami mulak sian lapo tuak di Sipanganbolon rap dohot si Frans. Nunga satonga teleng agak sore menjelang malam.Marsisenggolan ma hami dohot par sepeda motor na asing. Gunop ma hami nadua tu paret-paret di pinggir ni dalan i. Dang pala mahua nian holan bohi nami do margulu aekni paret namarbirong i. Alai ala huida stop do alo nami namarsisenggolan i, husuruma si Frans pura-pura pingsan.

“Asa dapot hepeng hita,” nikku tu si Frans.
Ala dibege si Frans hata hepeng, asa lanjut muse sogot minum tuak inna rohana, dang pala diprotes husuru ibana modom di paret i.
Manukkapma ibana di paret i pura-pura pingsan…Hehehehe..
Ala kebetulan adong teni horbo disi, huahutma pakke tanganku jala hupamasukma tu salawar ni si Frans.
Disukkun si Frans ma: “Ai aha do i pren? Songonna ngali”.
Hualusi ma: “Tenangma ho,bubur Manado do i. Napenting dapot hepeng hita”.
Hudapothon ma alo name iI, hira-hira 20 meter sian TKP. Nabolon natimbo halakna. Alai ala nga mirdong au gabe met-met nama huida amatta i.

Dung jonok tu alo i,huogapima. Hudok ma: “Bayar hamu parsiubatni kedankan. Nga possa butuhana. Nga kaluar tena”, (hahahahahaha…)
Dialusi amatta i ma: “Boasa gabe au mandangdangi? Ai stop pe au nakkin ala naeng pasingotton hamu do au unang ugal-ugalan. Gabe mangasang-asang do muse diperkuat ho!.”
Nga mulai muruk ibana. Lam hugasakma attong namangogapi i.
Hudok ma muse: “Molo songoni. Main ma hita satu lawan satu. Asa itanda ho pareman ni Parapat,”. Sabbil hubukka ma bajukku attong.

Idok amatta i ma: “Oke! Menyerahma au molo boti. Buatma hepeng i di gontingkon”. (Sabbil diangkat ibana ma jaketna).
Huidama adong pestol di gottingna. Pucat pasi ma au akkahitir. Langsung stress ma au. Ai polisi do hape.
Parsudakku ma hape saddabu on. Amangoiiii bagiakkiii!!!.
Hudokma tu amatta i: “Maafma bapak polisi…! Dang hurippu na polisi hamu”.
Disukkun amatta ima (manonggak): “Molo so polisi hahuaonmu hian au haaa??? Ahado margam?”.
Hupaboama namarga Sinaga au. Pittor dipitingma rukkunghu,huhut ditempelhonma pestol i tu ulukku.
Idok ibana ma: “Molo so marga Sinaga ho nakkin,nga hulubangi ulumon pakke pestol on. Ai marga Sinaga do au tong.

Polisi Lumbanjulu ” Hahaha…
Hualusi ma (sok kompak): “Mauliate ma bapak polisikkuhhhhhh”. Sabbil huleanma attong tanganku naeng manjalang.
Ditapparhon ibana ma tanganki. Idokma: “Unang pala marsijalangan. Teni horbo ditanganmu naeng jalangonmu iba muse”.
Bah? Ha..ha..ha.. Ai so sadar be au bapak polisikkuh!!!..Ha..ha..ha..
Huhut senyum amatta i,idokma: “Lain kali jangan ugal-ugalan”.
Lao ma amatta polisi i manorushon pardalananna. Hudapothon ma muse si Frans tu TKP dengan langkah gontai.

Huberengma si Frans jongjong huhut digaruk-garuk ibana ihurna…hahaha..
Disukkun si Frans ma au: “Bohado,dapot do hepeng i?”.
Hualusi ma: “Tarhona dope hepeng disukkun ho. Holan so marlubang ulukkon nga syukur”.
Disukkun si Frans ma muse : “Jadi boha do teni horbo nadi salawar hon?”.
Hualusi ma: “Allangkon ma puang bissan las!”. Hahaha..
Mangamukma si Frans. Dibuat si Frans ma teni horbo nadi ihurna i jala disappakkonma tu bohikku…plakkk Daggahhh..
Nga asing bauni teni horbo i. Nga marsappur huroa dohot teni si Frans. Maufff ma tibba tu dolok.
Hahahahahahahahahaha…..

Sumber :http://bataktoday.com/tarbatu-pareman-ni-parapat(Oleh: Sobiran Sinaga alias Profesor Sebastian)